不用多說，這裡一定沒有這款港式快餐名菜；不過，在港人廚房不時也見出現；即是說，要自己動手做喇。
這個快餐名菜是要炒飯底的，我又想偷懶，腦袋即時響鬧（小時，父母常道）：做事不能虎頭蛇尾，要做就要貫徹到底......好吧！
打蛋，下鹽，炒飯。
煮個蕃茄汁：爆香薑片，蒜蓉，下蕃茄（切粒），加少許水，豉油，糖，鹽調味，生粉水埋薄獻。
豬扒拍鬆，用紹酒，豉油，糖，鹽，生粉，薑蓉略醃；上蕃薯粉，煎熟。
焗玻璃兜內，舖上炒飯，放上豬扒，淋上蕃茄汁，加入幾件蕃茄，再舖上芝士。
放入已預熱焗爐，220度，焗20分鐘至微焦，出爐。
用蕃茄做了個蕃茄湯，同吃。
一邊吃著焗豬扒飯，一邊聞著蛋炒飯的香，很實在的嚐著焗豬扒飯，這正是焗豬扒飯的味道；可幸，給他倆鬧醒來，不然，偷懶就徒勞無功喇！
hehe，咁啱我都打算過兩日整焗豬扒飯呀
回覆刪除唔奇呀，呢啲經典快餐，人人都想食，一定要出手喇。
刪除Nice! 你果碟比一哥仲靚, 仲真材實料, 同事話而家一哥果d好大塊係骨頭,
回覆刪除咁樣焗豬扒飯係唔係真係好港式食法? 德國人係唔係唔會咁樣整豬扒飯架?
其實，上汁加芝士再焗是西式做法，不過，炒飯加炸豬扒則較中式，這道菜給餐廳、茶餐廳、快餐店取用，好味及大受歡迎，就成為港人經典頭號快餐名菜喇。我這樣演譯它的成名路，應該都合情合理卦。
刪除呢個簡直係一一哥豬扒飯, 靚過大X樂多多聲
回覆刪除多謝欣賞。我地私房菜做—兩個係容易過佢地大製作嘅。
刪除引得我又想整添.
回覆刪除整喇，—次過醃多幾塊豬扒，今日茄汁焗，明日洋葱汁，後曰蒜蓉汁，大後曰黑椒汁，多種不同食法，唔駛咁悶呀。
刪除妳今晚餐飯好岩我丫，有冇食剩呀?
回覆刪除—粒飯都食光呀。一路食，以為自己食在香港，幾有風味呀。
刪除