燒肉

見到有磚靚腩肉，想到要食靚燒肉。

之前做燒肉，皮要乾身，燒得脆身。

看過肥媽食平啲，皮都可以沾水的，我又來個大測試。

肥媽在節目中，講得快時，做得又快；烤焗時間無一定準則，她說靠雙眼去做。

根據我記憶和理解所得，我的做法如下：

豬腩肉700克，用叉刺豬皮無數小孔，用粗鹽搓勻豬皮，並用大量粗鹽醃豬皮，加少許水於粗鹽上，豬皮向下，放入膠袋，讓豬皮吸水，放入雪柜，3小時後，或過夜。

取出豬腩肉，用水沖去豬皮上的鹽，用廚紙索乾水。

放入已預熱的焗爐，用220度火，焗1小時，至皮脆金黃，即成。

出爐，斬件

開飯喇！

我聽到德先生在吃燒肉皮啊！

測試成功，合格滿意！


吃剩了數小件，翌日中午，從雪柜取出，煎一煎，加個炒飯底，又開飯......

豬皮......依然脆卜卜的！