Advent 已於上周末開始了，現在大家都開開心心準備著，每天都在倒數著耶穌降臨的日子。
當然，不少得入廚煮食啦；就如我們的農曆新年，做蘿蔔糕，年糕，煎堆，蛋散......等。
德國傳統食 Lebkuchen, Stollen, Butter Plätzchen......等。
我都投其所好，湊湊熱鬧，學人整餅喇，最易個款，牛油曲奇呀！
很久以前看過一段短片，西廚教做曲奇，記下了食譜，開工喇。
初次登場，做少少試吓先。
材料：（一小口的，約有50件）
自發粉240克，室溫牛油180克，糖90克，雞蛋1隻，鹽1/4茶匙，雲尼拿香油數滴。
做法：
自發粉過篩，備用。
牛油及糖用攪拌器先慢速打勻（以防牛油四濺），之後用快速打至creamy狀；中速加入雲尼拿香油。
然後，逐少及分數次加入麵粉，以慢速打勻或用膠刮拌勻（不能猛力攪拌，以保曲奇鬆脆）；中途加入雞蛋，鹽，一同拌勻，即可。
麵糊有點杰，原食譜是入袋擠花的，我用了簡單方法，兩隻匙互擠出小圓球，排放在牛油紙上；每個小圓球周邊要留有空間（因為一入焗爐，遇熱時，麵糊會微微向四周散開的）。
放入已預熱焗爐，用180度，上下火，焗15-20分鐘至餅邊微黃（小心看火，以免焗燶）。
出爐！
第一盤，純牛油曲奇
第二盤，榛子牛油曲奇，加了一大湯匙榛子粉 Haselnuss
不擠花，這個造型也過得去啊！
味道和質感方面，絕對沒投訴...... 隔了三數天，曲奇依然鬆脆呢！
我想整Stollen,食譜都搵埋.
回覆刪除有冒險精神，向難度挑戰，支持你。
刪除奶奶已經焗咗一大堆Weihnachtskekse恭迎王子
回覆刪除奶奶自己一個包辦, 我估佢都忙足一整天以上, 你倆快啲返去, 同佢一齊, 襯新鮮食啦.
刪除我喜歡榛子牛油曲奇, 好香好味!
回覆刪除其實聖誕曲奇餅同平時食果d有什麼不同?
牛油曲奇係最基本, 用聖誕模具吸出造型, 又當作聖誕曲奇喇. 另外有些加入杏仁, 肉桂粉, 朱古力漿, 果仁, 或果醬...等, 再灑上糖霜, 盡顯雪白聖誕氣氛啦.
刪除我好耐無食過曲奇啦, 好想食
回覆刪除唔難做架，揾日玩吓啦。我做左兩次喇，心思思又想再做。
刪除